انكتب بالعربية واخا بان ليا كلشي قلبها لانجلي
مهم هادشي طرا فاش كنت كنقرا ف تاسعة بضبط واخا ديك ساعا مكنتش كنعرف بزااااف لفرنسي ولكن ولكن كنت كنحاول شوية نتقنها او نعرف ليها بحكم انها كانت عزيزة عليا صراحة
ولكن شاءت الاقدار انه فواحد الحصة د الفرنسية بضبط كان عندنا واحد الموضوع نكتبو عليه انا مكنتش من العاكزين كتبت ما تيسر
جا داك الانسان لي كان كيقرينا او كما يسمي نفسه استاذ قرا داكشي لي كتبت اول ردة فعل دارها شد دفتار ضربني بيه لوجهي او دفل عليا قدام بنادم او بدا كيعربط عليا تما
وانا معارفش اشمن خطا درت اولا اشمن مصيبة كتبت وصراحة من مور ديك الحصة بضبط وعاقل كيفاش كنت كدوي مع راسي قررت بلي انا او الفرنسي بحال زيت او الماء
صراحة تقدر تجيكم عادي ولكن بداك تصرف باقة واحلة ليا محاملش ريحت شي حاجة سميتها لفرنسي
ودوزت الامتحان د الفرنسي د تاسعة حطيت ورقة خاوية او الجهوي د سيزيام كذالك حطيت الورقة كتصفر او دابا جاتني فرصة واحد الخدمة لي صراحة محتاجها ولكن كطلب الفرنسي درت بناقص منها او باق
على كل من مور واحد لمدة فاش سقت لخبار بلي داك الانسان مات صراحة مقديتش نصبر او بقيت غا نشتم فيه لا اراديا او باقي مقادش نسمح ليه لدابا على كل الله ارحمو
هذا ما كان قدر تجيكم عادية ولكن بانسبة ليا بدلااااااات ليا حياتي بزااااااااف
او صراحة تعليم فالمغرب كيجيني بحال بااطو كيتعلقو فيه طلبة باش ميغرقوش الا مالقاو لا خدمة لا والو فهاد البلاد السعيدة بنادم كيبدا كيقري او هو اصلا كاره ديك المهنة او دري كيدخل لشي حصة من صباح او هو كيسمع ا فسبان من الاساتذة او مكينش شي واحد فينا لي مسبوش شي استاذ
فعلا مكيباااااانش ليا الامل فهاد التعليم واخا نعياو نزيدو ف صاليرات
submitted by /u/oussama_sad
[comments]
Supply hyperlink